暹羅苑

营业中

休息中

暹罗苑嘅主厨系一位泰国肥哥哥。今日点B餐，泰式明炉冬荫汤乌头鱼拼暹罗海南鸡($188)，咖哩牛腩，原个椰青焗海鲜饭，甜品黑糯米饭。因为友人静静的埋单请食饭，我忘记了其他价钱，但肯肯定定唔贵啊！一般食泰国菜都会点菠萝饭，有一次见到隔离枱有个椰青饭，好得意！上枱时侍应会用极快嘅速度将个椰青盖同啲饭𩠌搬上个碟度。啲𩠌味道OK，反而系啲饭好正，软硬适中，而且好香椰味！记得刮埋啲椰肉出来食呀，好正！至于甜品黑糯米饭(相中半边白糯米唔系我食嘅)，系个人喜好，啲黑糯米沟咗其他米，刚刚好食完唔怕顶住个胃，而芒果唔酸又新鲜。其他味道都好OK，咖哩牛腩亦不过不失，海南鸡滑嘟嘟，乌头鱼都唔算好鞋，食完条鱼仲可以饮埋啲汤。