泰Cool

营业中

休息中

今日行开淘大突然想食泰国嘢，上网见到呢一间地道泰国菜，就一于嚟试吓！环境好大，坐得好舒服，仲有两只猫猫非常吸客！我哋嗌咗个肉碎炒饭同埋肉碎炒金边粉作为主食，份量都超级大，炒饭粒粒分明而且好上色好入味，食唔停口，金边粉都炒得好好食配埋肉碎，非常夹！最正嘅一定系炭烧猪颈肉，你平时出边食开嘅份量多成一倍，大到成只手掌咁，淋得嚟又唔干，又至比例啱啱好，绝对系我食过最好食嘅猪颈肉！另外我都好推荐试吓个鸡煲，同样份量大就不在话下，鸡煲热辣辣，鸡肉好嫩滑，配埋啲香料都好入味，好好食！最后我哋嗌咗一杯冻朱古力同埋冻好立克，都冲得好浓，绝对唔悭料！非常推荐大家经过淘大可以过嚟同朋友chill吓，整体嚟讲都系几好食几地道嘅泰国菜！