泰國婆

营业中

休息中

屯门v City嘅饮食选择都几多, 而家都有泰国菜食, 这间泰式小店开咗唔系好耐, 地方唔算大, 啲食物都几地道。泰式船汤河热辣辣几大碗, 配料都几多, 牛肉片新鲜滑溜, 牛肉丸一碗有五粒, 食落几弹牙, 炸猪皮脆卜卜, 口感几得意, 汤底香浓惹味, 河粉幼滑。鲜菠萝海鲜炒饭炒饭炒得好干身, 唔会油淋淋, 新鲜菠萝甜甜地, 脆球好爽脆,猪肉松和腊肠粒咸香美味, 腰果香脆可口, 还有香甜提子干, 几啱口味。泰式烧猪颈肉金黄软滑排列整齐, 口感爽脆弹牙, 唔会有肥腻感, 冻咗都一样咁好食。香茅鸡翼鸡皮香脆, 鸡肉保持嫩滑, 点埋鸡酱更加好味。芭提雅鸡肉卷鸡肉卷外脆内软, 一口份量吃得方便。泰式奶茶奶茶嘅颜色较浓, 甜度较高, 冰冰凉凉, 口感清爽。