金屋泰國菜館

营业中

休息中

呢间近荃湾西站嘅泰国菜餐厅，够晒地道，唔止装修充满泰国特色，而且有d店员系泰国人，好似去咗转泰国甘。想坐得舒服啲，同朋友倾吓计，呢度都系唔错嘅选择，环境够宽敞，坐得都舒适。因为今日唔系太肚饿，所以我哋嗌左一个炒粉，同一个小食拼盘。.鲜虾炒金边粉 $88份量十足，金边粉炒得几入味，食落味道酸酸甜甜，口感弹牙，软硬适中，而且入面虾的份量都不少，新鲜又弹牙。.泰式拼盘 $138(炸虾饼、炸鱼饼、春卷、串烧鸡)几款炸物都新鲜炸起热辣辣，口感香脆。炸虾饼同炸鱼饼食落外脆，入面口感弹牙，虾同鱼味都不错。春卷入边有粉丝、黑木耳丝、萝卜丝、菜丝等，味道同口感都好丰富。鸡肉串烧配埋个沙嗲汁，食落好惹味。食泰国嘢最开心就系叫拼盘，咩都有啲，可以一次过满足。