金屋泰國菜館

营业中

休息中

今晚同爸爸去左荃湾杨屋道街市附近既泰国餐厅用餐。之前成日搭车经过望到，今日终于黎试一试了。餐厅入面环境都好有泰式装修，感觉好似置身于地道既泰国中，当下自己去左旅行，开心一下都唔错。餐牌上都有各式各类既菜式，好多特色都有，唔错唔错。总有一款会岩食。我同爸爸决定点一客炒粉面、同一客小食。先点了一份泰式炒金边粉。基本上每次去泰国餐厅，我都好钟意食炒金边粉，因为入面又多𩠌，多数会有虾、肉粒、花生碎等等，吃起来味道同口感都唔错。咁呢间餐厅既泰式金边粉都做得相当不错，好惹味，热辣辣的，配料又不少，拌匀来吃，正。另一款我们点了一份小食拼盘，因为好多款小食都想食，所以决定点一个拼盘，咁样可以咩都食到，款款都有。卖相好靓好丰盛，大满足入面有炸虾饼。金黄外皮，外脆内软好好味。炸鱼饼，外皮烟韧一点，鱼味浓，好似食紧炸鱼蛋咁，好好味好好咬。春卷，馅料好多，脆卜卜，正鸡肉串烧，啖啖肉好好味，配埋个酱更为惹味。间餐厅仲有好多唔同菜式，下次经过可以黎食埋。