鴻哥小廚

营业中

休息中

鸿哥小吃一睇就知食中式菜，粥粉面饭唔少得，仲有炖汤同小炒，岩哂我呢d屋企唔煮饭ge人。即刻order生炒骨，莲藕饼，豆豉炒大蚬，排骨煲仔饭。生炒骨上枱果阵，以为平平无奇，但系食落去热辣辣，卜卜脆，绝对系即叫即炸即整，值得赞赏。豆豉炒大蚬，初初以为会咸，但食落去又唔咸，味道都几好，唔洗同饭一齐食都ok。莲藕饼质素十分之高，一咬落去劲有家常菜味道。初初以为系将莲蓬片上涂一层肉末，点知系将莲藕切粒，混入肉末中，十分惊喜，送饭一流。估唔到夏天都有煲仔饭食，标榜无需加豉油，已有足够ge味道，饭有饭焦，但排骨就少少咸。最欣赏系店员服务周到，见到半只碟装满蚬壳会主动换碟。