鴻哥小廚

营业中

休息中

打完波 🏸 原本想食楚撚記點知排大隊，轉陣食鴻哥小厨，7:30冇乜人，有六人枱，阿姐介紹菜式，叫咗金薯安格斯牛肉粒 🐮（$158），牛肉夠冧，客家炸大腸（$138），皓脆，炸子雞（半隻）（$208）雞🐓好滑，浸娃娃🪆菜（$98），有薑唔啱我，雙拼椒鹽豆腐魷魚🦑鬚（$138），好香口，煎藕餅（$108），平時我唔食，我都覺好食😋，叫咗支裝忌廉（$12），夠懷舊，坐得舒服😌，夠冷氣，只收現金💰

入到「鴻哥小廚」，氣氛輕鬆得好似入咗自己屋企飯堂。食咗幾款招牌，每一道都令我嗌好味👍！「頭抽豉油雞」簡直係雞中之極，皮薄肉嫩，啖啖肉感覺得到豉油滲透晒每個毛孔，仲要啖啖肉質彈牙得黎唔會渣。啱哂食得健康嘅你我佢🤤。啱哂愛唔愛口感豐富嘅你，「啫啫芥蘭煲」真係咁豐富，吔！芥蘭嘅甜味點綴埋海鮮嘅鮮味，啖啖惹味好入味。「香煎蓮藕餅」係真正嘅脆口美味，每一啖都有咸魚嘅香氣，仲有充滿豬嘟嘟嘅飽滿肉香，咬落去，聽到啲蓮藕啱啱好嘅脆聲，超級扎實！再嚟個「白飯魚煎蛋」，可謂蛋香四溢、滋味無窮。煎到金黃色，香脆嘅白飯魚配埋綿滑嘅蛋，係好多層次感！最後點撻「生菜包乳鴿鬆」，爽口生菜包著鬆軟嘅乳鴿，一啖一個完美比例，真係夠晒創意，有健康嘅同時又有滿滿嘅滿足感😋。總括來講，「鴻哥小廚」提供嘅唔單只係食物，仲有一種滿足感覺，帶你體驗老香港嘅地道風味，令人一試難忘！

$420 3個餸 1枝汔水干煱田雞  小炒王  豉椒鵝腸晚上九時到達，基本上已經只有另一枱客人。個女人好似黑面，唔知係咪阻住佢收工。小炒王最多的是芽菜，韭菜的份量也很少。但蝦乾和腰果份量夠。豉椒鵝腸是蔬菜最多，鵝腸得好少。田雞就更加失望。都成$160 一個，裏面又係蔬菜勁多，數埋田雞應該得1隻至1.5 隻。份量真係少得可憐，依家香港啲食肆又貴又細份，真係玩完。

食左個避風塘茄子，椒鹽田雞，薑蔥蠔煲最好食避風塘茄子，外面酥脆內裏軟淋，會再食，濃味可口蠔煲正常野，都大隻，有咬口田雞就入面無野味，出面椒鹽味重，不過不失，但唔食第二次，可能叫鮮魷會好D

每年都會訂盆菜返屋企同家人開年，試過好多間酒樓都唔好食，價錢又貴。有朋友介紹呢度晚飯小菜夠鑊氣又多菜式選擇，就去試吓晚飯先果然冇介紹錯，好味😋見到原來都有盆菜但未試過，所以今年我特登喺鴻哥小廚訂咗個盆菜，果然唔同一般酒樓，有圍村風味材料又足，雖然唔係話什麼名貴食材，但係鮑魚，金蠔，花膠，髮菜，大蝦，瑤柱，花菇⋯⋯⋯都有齊，特別係有我最愛嘅門鱔乾，所以價錢合理，勝在味道一流份量十足👍👍👍👍👍。值得推介😋😋😋

有次在餐廳門外見到Banner寫住 ”米之連星級大廚出品”, 趁放假就去試試佢.我們2人叫了2餸1湯.3D芥蘭 $128 + 薑蔥魚雲煲 $168 + 2位用私房燉湯 $58 + 1汽水 $10.跟據菜單顯示以上所列出價錢無誤的話是 $364- , 但埋單時是 $480-.起初無為而, 足足收多了$116-直到明天致電該餐廳收銀姐姐, 告訴她收多了我們錢 。但她竟然說: 近排買得到既魚頭都好大份，無辦法喎魚雲要每日睇大細，$238或$268都有。(但有餐牌寫明價格$168的囉, 就算$238或$268都不是收$480!)她們古惑在落單時，又無講明：我地魚頭煲價錢唔跟餐牌價㗎。如果佢寫明魚頭煲時價，就明確👍🏼接受, 但現在是陰人。吾通每道菜式都問佢，今日跟唔跟餐牌價㗎咩？雖然海鮮任佢訂價，但魚頭煲根本談不上海鮮和不是時價。其實魚雲要$268，根本講唔通，只是普通大魚頭，吾怪得推介比我地。哈哈…..

難得約到4個人齊腳梗係叫多啲嘢食早已聽朋友講呢度啲蟶子王掂一早就order定幾隻order2支啤酒就可以開餐啦！炸子雞正wo又香又脆夠熱夠多肉仲配埋蝦片個魚湯浸菜同魚腐稍為清淡唔夠入味魚腐亦唔係平時食開嘅質地但勝在夠大碟魷魚鬚實在太好味但一人只分到一兩條希望有其他菜咁大碟勝瓜都唔錯鋪滿咗蒜蓉口感剛剛好唔會太淋重點係真超超超大碟好似我咁鐘意食菜嘅朋友記住order啦而個牛肉粒啲薯仔好好食不過啲牛肉就有啲難咬開蟶子全晚重點無令人失望好入味夠大隻兼彈牙❤

鴻哥小炒皇 主要用左韭菜同芽菜炒🥗因為有芽菜好容易出水 碟底有好多水 蝦乾🦐、白飯魚同魷魚🦑等炸到勁乾勁脆 無左原有既味道同口感 唔算好食🙊鴻哥頭抽雞🐥肉質尚算嫩滑 唔會鞋口 味道正常、唔會過鹹 亦頗為入味 似家常菜👌🏻椒鹽鮮魷🦑炸衣好薄 炸到金黃香脆🤩輕輕一推就可以同鮮魷分開 鮮魷口感爽彈 略嫌醃得未夠入味🤔豉油皇鵝腸鵝腸烹調時間啱啱好⏱質感鮮嫩而不失爽脆咬口💯脂肪清理得夠乾淨 冇異味 豉油味道恰到好處、唔會過鹹 碟底有芽菜 夾埋鵝腸食都幾夾🥳薑蔥生蠔煲 好惹味😋生蠔🦪用粉漿過過油🍾但依然保持到鮮嫩質感 無腥味👏🏻煮完都唔會縮水大大粒 幾好😻酸菜魚🍲魚肉份量頗多肉質嫩滑🐠無骨同魚腥味 唔會一夾就斷 入面有大量芽菜、圓條狀薯粉同木耳等配料 芽菜爽脆 薯粉🍜煙韌有咬口 最正係酸菜魚面頭既蒜頭🧄吊出左魚既味道 我覺得係全餐飯最正既一道餸🥇菠蘿生炒骨生炒骨肥瘦參半炸粉唔算厚但唔夠脆口 甜酸汁完美包裹住排骨🍖如果甜酸度🍯🍋再突出少少會更美味 豉汁蒸大鱔 份量足料有十幾舊鱔🐟鱔肉雖然稱唔上彈牙 但肉質唔霉 鱔皮都有韌度👌🏻食得出係新鮮既 豉汁鹹淡適中🤤唔錯👍🏻整體來說， 餐廳食物質素中等👌🏻調味

同朋友係附近搵嘢食朋友話想食中式嘢🤔行下行下就見到一蚊一隻雞😱我地咁就俾佢吸引左入左去幫襯🙈一問之下原來係要食滿200蚊先可以1蚊換購基本上叫3個餸就一定夠🤗我哋本身係想叫煲仔飯但係樓面姐姐話煲仔飯飯類唔計☹️所以我哋2個人食左3碟餸再加1隻雞😂佢哋既份量都幾多下👍🏻所以食量少既朋友仔要量力而為🤣以免浪費左店家既心意😬

仍然工作繁忙，有好幾篇食評都沒時間寫！但這篇一定要盡快寫，提醒大家不要上當！話說 hubby 約了 2 位朋友晚膳，其中一位朋友說開車途經九龍城道一家小廚，大大個海報寫著米芝連大廚，非常吸引！再看看食評，覺得可以一試！於是這次一行 4 人就探險覓食！鴻哥小廚，第一次來都不知道叫什麼菜，於是問樓面 (應該是潮州老闆吧) ，說 6 月份開業，問他有什麼必食之選？我們好聽話叫了一個臘味煲仔飯 ($68)、鹹魚肉餅煲仔飯 ($68)、生炒骨 ($78)，上湯菜芯 ($78)、咸鮮雜魚煲 ($98)及鵝乸煲 ($308)，如果不夠再叫吧！先來一碟菜，不錯，都算新鮮，但不是什麼上湯，只是味精湯！然後雜魚煲，只有小魚 4 條，2 條黃花，2 條沙鑽，忘記拍照，因為每人只 “分配” 到一條，快快食，哈哈！很咸哦！生炒骨是雪排骨，不過都算有鍋氣！鹹魚肉餅飯及格！個臘味煲仔飯，打開蓋就已經聞到一股油益味，但也試食，飯底算不錯的，少少焦！最後上的是招牌鵝乸，實在太過份了，$308 “半隻”又乾又黑鵝乸，所謂必食之選,朋友說深圳$80 買到“一隻”比它新鮮, 又黑又乾又硬，結果我們同時吐出來，剩下的都不敢再吃

有幸重遊中學時代留過不少腳毛的土瓜灣，剛巧於九龍城道見到一間新開的小廚，就即時被門前轉燈上‘媽媽的味道’五隻字所吸引，頭也不回便登門而入。前菜小食要了一口豆腐，豆腐外脆內嫩，不油膩，令人食指大動主菜要了菠蘿生炒骨，據老闆說他們的生炒骨都是即叫即炸，排骨比配菜多只少一倍，可見份量十足，生炒骨整體酸甜度適宜，雖不能說十分驚艷，但絕對稱得上水準之作。另一令人驚喜的，絕對是他們的啫啫芥蘭煲，無需品嚐單憑肉眼已可觀察到每條芥蘭都是廚師精心挑選，而其味道亦既香且嫩。整體而且，這間鴻哥小廚雖然只有平實的裝潢，但從上菜的速度，食物的份量，加上食物的味道，亦能感受到他們的誠意，值得推薦

十分推薦呢間店，比茶餐廳更抵食的價錢，但有家的味道,完全係抗通賬之選！睇餐牌時，完全估唔到上菜咁大碟。必食推薦有：香煎蓮藕餅 $48有6塊大大塊，啖啖肉，有咬口，送飯一流，某大型快餐店，得2塊差唔多的碟頭飯已經要近$40蚊😓38蚊的一口豆腐以為係小食細細碟，點知都係一個客飯size咁送上黎，豆腐軟滑，炸粉薄身脆口，忍唔住一粒又一粒咁食。好推介呢間小菜呀！大家快d幫襯下佢啦😆😆😆😆😆😆👅

土瓜灣一向出名多好野食，你想搵日本、韓國、西餐、馬來西亞野⋯⋯基本上你想食既菜式，都會至少有間餐廳比你揀到！呢晚約左好友食個飯，朋友想試下小菜，一SEARCH之下呢間小店個口碑好似唔錯甘，就去馬啦。一口椒鹽豆腐甘多舊都係HKD 38 ！佢炸得熱但唔係炸到好焦黃個種香口，但我自己係PREFER呢種STYLE，太脆太焦其實食多一兩舊開始就會濟，覺得太熱氣會冇甘有意慾食落去。另外值得一讚就係調味唔算過鹹就住就係見到個個都必叫既蓮藕餅，佢入面加左咸魚，所以聞落已經有淡淡咸香。半肥瘦既肉餅夾埋蓮藕，好好送飯我地又叫左個菜膽雞，佢比起出面D餐廳份量大好多，有半隻雞有多！雖然雞肉唔係話去到好滑既程度，但係個味係滑淡得黎好食，個茨汁打得OKAY，不知不覺間好快清曬。如果膽長輩去食，不妨可以叫！最後仲有個乳鴿鬆，簡單黎講就係乳鴿拆肉，加馬碲、豬肉甘炒香一碟，比你用生菜包住食，中和返個肥膩感。唔好講笑，食第一淡既時候真係BLINGBLING 眼，好惹味好有獲氣！會讓你不停想食！但真係4人或以上先好叫，唔係會食唔曬，份量又係巨多。然而我隔離台係兩個人都叫一碟可想而之係有幾甘好食～下次一定再ENCORE

今晚無聊落行下自己一個人，行下行下發現左間新店，鴻哥小廚颱風季節，又落大雨，一個人沒有地方去，就食下附近的鑊氣小炒鴻哥小廚啦！生炒排骨也是即炸，夠鑊氣，酸甜味適中。還叫了一個時菜，三個人食超級飽。這裏的價錢不算便宜，但小菜都大大碟。一大班人想要熱鬧吃飯最適合。極度推薦，叫左半隻頭抽豉油雞，佢地係用左即日處理嘅新鮮雞，我覺得堅抽，而家係街點會仲食到新鮮雞架⁉老細仲偷偷地話我地知佢係冇醃過咁去煮個雞。味道五錯下次繼續。

又去左土瓜灣探朋友，佢話附近又開左間廣東小炒，好正，話帶我去試，梗係好啦香煎蓮藕餅 $98 - 外面煎到有些少焦脆，內裡鮮嫩多汁，肉中的蓮藕令整塊藕餅食落好有口感同層次感，軟中帶爽菠蘿生炒骨 $98- 即叫即炸，所以非常酥脆，而且香，一定要趁熱食，因為上菜時醬汁在面最香甜酥脆可口鴻哥小炒王 $98 - 芽菜，九菜，銀魚仔，魷魚，有少少咸香的味道，應該有落些少咸魚炒，好野味燒排骨（半份） $148 - 即叫即燒，帶有碳香，而且可啜骨，送酒一流其實此店客人都幾多，如果來之前先book位會比較理想