地茂館甜品

营业中

休息中

之前早已经听过九龙城有间好出名嘅地道糖水，所以上星期难得同班friend经过九龙城，就去咗呢间地茂馆，试下唔同嘅特色糖水。入到去，我地一行三人就拣咗糖不甩、芝麻胡、杏仁胡同埋桂花姜汤汤圆，可能我地𠮶日食野嘅时间比较早，落咗order大概5分钟啲糖水就到齐。糖不甩口感几烟韧，食落唔会好似食紧一大旧粉咁，再加上佢呢个平民级数嘅价钱（17蚊有8粒，仲有全部都大大粒），我个人嚟讲几推介试下糖不甩。另外个桂花姜汤汤圆都唔错，非常足料，桂花姜汤衬托芝麻汤圆，食落唔会话太淡或者太甜 ，而且价钱都系17蚊，值得推介。不过芝麻胡同杏仁胡就普普通通，食落都几smooth嘅，不过我自己就觉得无乜特别，可以试下其他特色本地糖水。总而言之，呢个价钱喺香港地都好难揾到第二间好食过佢嘅中式糖水。