韓屋

营业中

休息中

今日行過尖沙咀嘅時候見到一間好搶眼嘅螢光粉紅韓國餐廳，裝修都係小清新風格，就入嚟試吓，結果真係有驚喜！首先呢度嘅配菜係韓國kimchi raddish，好脆口，超級正，坐低就要咗罐韓國啤梨果肉汁，朋友就要咗罐diet coke。睇完餐牌之後就每人要咗一款湯，我要左牛膝骨湯，佢係經過長時間熬製嘅健康食物，有豐富嘅鈣質同骨膠原，係女士最鍾意嘅，呢個湯都好啱小朋友、婦女同埋老人食，算係地道嘅滋補湯，呢種湯加埋飯一齊食會更加美味，因為會令到成件事更加Creamy！薯仔豬排骨湯呢種湯喺韓國嚟講用嚟解酒一流，令到Hangover都冇咁犀利，係不折不扣嘅醒酒湯，呢度嘅味道都同韓國嗰邊一樣，濃郁得來都夠清甜，豬排骨亦都好嫩滑，薯仔亦都令到成件事更加濃郁，好全部湯汁嘅薯仔亦都好入味，當然湯入邊嘅蔬菜亦都令到成件事清新咗，加咗啲口感。