九爺牛腩 (新聲大廈)

营业中

休息中

其中一样香港最出名嘅嘢食就系牛腩，今日趁住有朋友喺外地过嚟，又见佢话想食牛腩，于是就拣咗呢间喺尖沙咀嘅分店，朋友一嚟到已经好惊讶话觉得呢度嘅环境好有香港特色，另外成间店都闻到浓浓嘅牛腩味，超级香。因为今日一次过要食好多嘢，所以我哋都系决定唔好食得太多，两个人share左两样嘢，刚刚好！第一样就系要咗原汁牛腩，话晒都系特登嚟食呢样嘢，梗系要食得够满足啦，佢整得好入味，亦都好腍，超正！另外就系发现呢度嘅面可以转完面，于是就叫埋黄金片头鱼面，鱼面爽口，鱼片头都好弹牙，朋友好开心，一次过可以食晒两样地道香港美食！