新榮興粥店

营业中

休息中

西湾河扫完街后，家人话想食下粥品，于是行到呢间新荣兴粥品店。门外既油器吸引，望落系涨卜卜唔系漏晒气，而且款款都几大件!一律$10。叫左炸两($16)，甜酱花生酱芝麻都任你落，外面肠粉都滑，入面油炸鬼都有脆感。艇仔粥($22)都几多料，牛肉碎松软的，鱿鱼、猪皮爽口，个粥都够绵~蛋黄咸肉粽($20)够新鲜，糯米唔会太腍"pat pat" ，包住蛋黄有咸香，点住砂糖几唔错，咸甜咸甜。炒面($17) ，唔会好油既感觉，面条韧度适中。豆浆($7) 顺口，滑滑的，但就偏甜一D，如果有埋少糖既选择就更好。我地个个时间唔系食饭时间，但都算几多人黎食，系受街坊欢迎既老店!都几抵食多选择!