影片
更多
2019-04-25
683 浏览
早排又去左帝苑酒店食野，佢地咁多间餐厅，今次就试下佢地系3楼嘅Le Soleil越南餐厅。佢地嘅越南餐厅好有特色，位于3楼但都要再上一条短短嘅楼梯先到餐厅，好似系空中咁，餐厅环境靓又有特色。一去到门口就见到摆左个牌出黎介绍新菜式，原来最近出左D越南嘅清新菜，仲系由佢地嘅越南厨师亲自主理....(佢地越南厨师几靓女...)。越南人亲自整越南菜㖞，点都要嗌几款试下。我地首先试左尼个越式蒸粉包，系侍应介绍我地食嘅，话系佢地嘅signature。的确，又真系几好食，里面有蟹肉、虾、甘笋等，皮又够薄，加D鱼露一齐食，成件事好夹。尼个鲜虾扎肉米纸卷都系头盘黎，系其中一款清新菜，入面有原只鲜虾，一睇就知好足料。食尼个米纸卷一定要配佢个秘制酱汁，系用新鲜酸子调配嘅，所以食落清新之余又唔会腻，仲可以on top加D干葱同花生碎，咁样就会多D咬口喇~尼个都系其中一道清新菜，蕉叶青柠烧红立鱼。钟意食香口野嘅可以试下尼个菜式，平时少食越南野，真系唔知原来有咁有特色嘅菜式。红立鱼烧到外脆内嫩，另有跟3款酱汁：南姜汁、葱油、酱油，我个人就比较钟意南姜汁，有少少辣，好适合香口菜式，如果唔食辣嘅就好可以点葱油或酱油，
佢地嘅越南餐厅好有特色，位于3楼但都要再上一条短短嘅楼梯先到餐厅，好似系空中咁，餐厅环境靓又有特色。
一去到门口就见到摆左个牌出黎介绍新菜式，原来最近出左D越南嘅清新菜，仲系由佢地嘅越南厨师亲自主理....(佢地越南厨师几靓女...)。越南人亲自整越南菜㖞，点都要嗌几款试下。
我地首先试左尼个越式蒸粉包，系侍应介绍我地食嘅，话系佢地嘅signature。的确，又真系几好食，里面有蟹肉、虾、甘笋等，皮又够薄，加D鱼露一齐食，成件事好夹。
尼个鲜虾扎肉米纸卷都系头盘黎，系其中一款清新菜，入面有原只鲜虾，一睇就知好足料。食尼个米纸卷一定要配佢个秘制酱汁，系用新鲜酸子调配嘅，所以食落清新之余又唔会腻，仲可以on top加D干葱同花生碎，咁样就会多D咬口喇~
尼个都系其中一道清新菜，蕉叶青柠烧红立鱼。钟意食香口野嘅可以试下尼个菜式，平时少食越南野，真系唔知原来有咁有特色嘅菜式。红立鱼烧到外脆内嫩，另有跟3款酱汁：南姜汁、葱油、酱油，我个人就比较钟意南姜汁，有少少辣，好适合香口菜式，如果唔食辣嘅就好可以点葱油或酱油，同样都好味。
越南出名檬粉，我地就叫左个五花腩肉碎酸汤檬粉，都系来自清新菜menu嘅。汤底酸酸甜甜，因为汤头以猪骨熬煮，仲加左青柠汁煮成嘅酸汤，食落清新开胃。想再酸D可以再加D新鲜青柠汁添！除左清新菜，我地都试左其他a la carte menu嘅菜式。
咖喱炒蟹D肉质够肥美又够鲜
脆皮咖喱牛腩都好入味
最后食埋个甜品—椰青果冻，椰味香浓，好refresh！仲系玫瑰花造型，无论外观定味道都好吸引。总括黎讲都几满意，a la carte menu上面有好多菜式都好吸引又未试，下次会再黎过！
张贴
