越式越好味 (已結業)

深水埗确实系一个充满宝藏既地方，冇谂过呢度会揾到一间地道越式餐厅。餐厅无论系老板定厨师或楼面，全部都系越南人，佢地会用越南话倾计，一边食野一边听住越南话既对话，真系有种去咗越南既错觉🤣食物当然充满越式风情，冇谂过每道菜都咁有份量，点到成枱都系野食😋越式香茅猪扒汤河粉（$49）河粉既汤底鲜甜，香茅猪扒入口松化柔软，系诚意之作！安南鲜虾米纸卷（$42），晶莹既米纸包住鲜虾檬粉同青瓜丝萝卜丝花生碎等食材，简简单单但食落好清新越式鱼饼捞檬（$52）块鱼饼系自家制，加入咗好多特色香料。食既时候加埋鱼露酸甜汁，超级开胃！越式串烧鸡肉猪肉（$40）鸡肉串烧系鸡脾肉，而猪肉串烧就选用猪腩肉，无论系猪肉定鸡肉都唔会烤得太干身，猪肉更系肥瘦适中，香而不腻。餐饮点咗热华田同龙眼茶，龙眼茶用料丰富，饮落甜甜地，唔错！另外想提一提佢地既斑兰热茶，入座就会提供，饮落好清香~餐厅内摆放了一整列越式调味料作装饰餐厅外的盆栽为路旁增添了不少绿意