早安越南 (已結業)

呢排好想食越南菜，特别系pho，所以今日特登带埋屋企人嚟呢间朋友极力推介嘅越南餐厅。我叫咗我最钟意食嘅pho,我阿爸就想食香茅牛肉冻檬，另外我哋再叫咗沙嗲串烧。饮品方面，佢叫咗薄荷青柠冰，我就饮热龙眼水（估唔到要养生嘅系我！哈哈）我个生牛肉河汤底十分之清甜，唔会话好咸但又好鲜味。啲牛肉够滑，啲河粉都好滑，朋友果然冇介绍错。我爸爸话个捞檬都好好味，啲香茅牛肉做得好，香茅味好够。我好钟意佢嘅沙嗲汁，同埋串牛同串猪一齐食，会令人食唔停口！最后我爸爸话青柠冰好refreshing, 我杯龙眼水就够甜够滋润。下次会再嚟食过！