越發地道河內料理

营业中

休息中

呢间餐厅嘅门口用木趟门，一开始以为系食日本野，点知原来系越南餐厅🤣 虽然未去过越南，唔知正宗嘅味道系点，但见到餐牌话呢到嘅河粉同檬粉都系由越南河内嚟，感觉几地道，一于试下～•🥢 碳烧猪肉伴越南檬粉(奥巴马粉) $80第一次食店员会讲解下食法，系类似沾面咁食，要先将香叶浸入鱼露汤，再慢慢加入檬粉沾汤去食，檬粉专登剪碎咗少少，夹嘅时候就唔会痴到实晒👍🏻 鱼露汤几浓，暖暖地而唔系热，偏甜，檬粉吸咗啲汤唔会太咸，不过啲檬粉淋咗啲，有啲扣分😢 猪肉嘅碳烧味好出，几入味，令到鱼露汤入面都有啲碳烧味，入面仲有猪肉丸同萝卜等配料，都几好食～•🥢 香茅扎肉鸡丝捞檬 $76成个粉都铺满鸡丝同生菜丝🤩鸡丝好幼，干身，脆脆地，仲有啲碳烧味👍🏻 扎肉切碎捞匀咗落个面到，感觉有啲少😢 鱼露汁同其他地方食嘅捞檬汁唔同，有啲萝卜片，唔会太酸。