越男仔

营业中

休息中

荃湾大坝街食肆林立，泰菜，西餐，日本菜，茶记等等应有尽有，为免花多眼乱，拣成个钟都未拣到，我地就直接拣咗街头既越男仔入去。😄😄呢到装修几别致，吊灯好有越南风味，枱面既花砖图案都好啱女士们打卡架。😃😃😊😊今晚我地叫咗两个主食，再用优惠价加跟餐两个小食。小食我就拣咗个手撕鸡檬纸卷，手撕鸡既份量好多，带明显既胡椒调，入面系满满既蔬菜加埋酸甜既酱汁，劲开胃。 另一样就叫佢既推介法式芝心虾多士，外皮好脆，唔淋油，芝士味咸香，虾料十足，口感味道丰富。😊😍主食我地就叫咗一个招牌手撕鸡拼扎肉椰汁酸汤檬粉。汤底椰香味十足，扎肉煎香咗令汤面带出啖啖香气，加埋大量既手撕鸡肉，，啱晒我地呢啲食肉兽。 另一款我地叫咗3+2捞檬，顾名思义，呢个粉系有五种唔同既肉，有越式扎肉，古法烤牛肉，手撕鸡，烤猪颈肉丝同脆猪肉，口感丰富，除咗肉仲有大量洋葱，葱同埋蒜粒，个人就最钟意脆猪肉，劲香口，又唔太肥腻！🥰🥰