越潮

营业中

休息中

我拣餐厅专拣平靓正，环境冇咁好唔紧要，最紧要好食。如果你都系好似我咁样，唔需要特登去装修得靓靓嘅餐厅，想食到平平地嘅地道越南菜，咁一定要试下呢度。今日叫咗两个set，生牛肉河同鸡丝河，另配酸辣凤爪都只系＄47一set，仲有饮品添 (不过唔好对佢嘅奶茶期望太高)。唔好睇小佢卖相虽然麻麻哋，又称唔上好足料，但系当你食完个汤河，发觉你冇口干，就知佢个汤底绝对系真材实料。听到老板同其他客人倾计，知道原来佢个鸡汤真系淆出嚟嘅。相比起一啲连锁越南餐厅，＄60 $70 食个河粉，食完要狂饮水，呢间真系好嘢嚟。星期日两点几，餐厅都坐满左七成。牛肉可加埋大量洋葱同葱好有风味。有需要仲可以问老板攞指天椒同埋青柠。如果想转金边粉系要加$3嘅。鸡丝河嚟讲， 鸡丝系唔算多嘅，但系食鸡有鸡味，佢系当之无愧嘅。