和家

营业中

休息中

今日去左铜锣湾一间关东煮专门店，叫做和家，之前睇过 YouTuber 介绍系日本人主理，又见咁耐冇去旅行，所以就去试下佢既名物。关东煮有好多选择，当然要试我既最爱大根，煮得好淋好入味，蛋有两款，包括蛋卷同原只鸡蛋。蛋卷因为放左落汤煮，唔系好滑，但非常索汁。其他鱼制品都唔错。牛筋就唔系平时见开一串串个种，系一粒粒有肉有筋，都算炆得淋。佢个汤底都唔会太多出汁唔会太咸，较得唔错，可以饮埋。炸茄子就有啲唔抵，味道虽然OK，但真系好迷你。钟意饮酒就岩晒，有红白酒，啤酒，Sour，日本酒，烧酌等等，而且最平一支都唔使 $300，价钱相宜。未安排到返乡下既你，可以先黎和家止止渴！