南대門

营业中

休息中

大家都知道金巴利道有好多韩国餐厅，一向中意食韩国菜既我，今次就系到拣左间由韩国人开既韩烧，未有得去旅行之前止下瘾！餐厅既空间好大，除左有卡位，仲有好多韩国常见既圆台位，好啱同一班朋友黎聚下。未上菜之前先黎左好多款泡菜同凉拌，呢啲小菜既味道唔会好辣，反面甜甜地咁，啱返香港人既口味。✨牛肉猪拼盘呢个set有牛肋骨、酱腌板腱肉、肩胛肉、五花肉、猪肋骨、猪颈肉，仲跟埋泡菜汤或者大酱汤，份量超越多，两个人食好饱！牛肋骨同肩胛肉既油脂分布好平均，牛味几浓，就算唔点酱都好好食。而板腱肉腌到甜甜地，肉质结实，用黎包生菜都好好食。而猪肉就冇咩点样调味过，同黎加上包饭酱同泡菜就最夹！而泡菜汤都好有诚意，除左用左板豆腐之外，仲有唔少肉，味道偏酸甜，唔食辣既朋友都啱食。✨拌冷面香港好少地方有韩式既拌冷面食，见到就即刻叫黎试下。传统既拌冷面系有手梨，所以味道辣中带甜，而呢到都跟足传统，上面仲有几块牛肉添。而面好长又弹牙，所以店员会系上菜个时帮你剪断，方便食用。清爽既拌冷面用黎配烧肉食真系好夹架！