夜首爾

营业中

休息中

太耐冇去韩国玩，近排特别想食韩国野，所以同朋友嚟咗尖沙咀食地道韩国菜。餐厅有两层，环境阔落，食得舒服。一嚟就有八款前菜，添咗薯仔同菜，几乎款款都几乎比我地清哂！牛肉杂菜炒粉丝（$150）系自己最钟意食既。粉丝配上萝卜丝、牛肉、炒蛋丝等，非常丰富。最难得既系味道啱啱好，食落唔会太咸。薯仔排骨汤（$420）既份量非常大方，三至四个人share都ok。排骨汤望落开胃诱人，饮落带点辣，十分惹味。锅入面有大量薯仔，薯仔口感软稔，同 d 菜一样吸满香浓既汤汁。而排骨亦软稔入味，正！豆浆面（$130）较少喺香港既餐厅见到，所以点嚟试下。呢道冷面既汤底浓稠但味道清新，配埋青瓜丝，清爽又健康。