Chicken Pocha (已結業)

系大窝口附近嘅一个韩式小店，以前佢未扩充果阵只可以坐路边位，依家搬左铺位大左多左好多位。今次叫左几样野两个人食，冷面、泡菜年糕、酱油烤鸡。冷面面质好弹牙，又冻又酸嘅汤好开胃，配埋几块雪梨真系唔错，几清新。泡菜年糕就正常水准啦，年糕都弹牙嘅，但就唔够多泡菜。酱油烤鸡今次就麻麻啦，个酱油味完全入唔到个鸡到，好淡口，鸡嘅肉质都好干好鞋，成碟都好似就咁咬鸡胸咁，我谂下次叫返炸鸡会好啲。现场都见到有一两台韩国人系到食紧，感觉都几地道。