Chicken Pocha (已結業)

係app叫過薯仔排骨湯同牛排骨湯覺得好濃郁 好好食今日去堂食 叫左人蔘雞 豬肉飯卷同辣炒年榚都好啱香港人口味人蔘雞好淋 不過差左少少人蔘味好值得多啲人識得同支持

韓國人主理 係小店形式經營係呢個位置竟然有間正宗韓國菜真係好好😂食飯又多一個選擇天氣凍有碗熱辣辣既拉面🍜真係好正學埋光洙 劉在錫oppa 夾舊凍泡菜一齊食原來好爽😋泡菜煎餅好酸 一定要點個甜醬下次可以試海鮮煎餅🥰芝士年糕好味道❤️❤️仲有 世一既炸雞🥰但我忘記左影相我地叫左蜜糖牛油味 不得不提❣️一定要試下佢既炸雞🍗

呢間位於德士古道麥當勞後面嘅一間韓國小店, 雖然舖面細細, 但係佢嘅炸雞真係呢間舖嘅主打, 淨係炸雞都有七款比你揀, 有淨係炸雞, 燒雞, 辣味炸雞, 香蔥炸雞, 醬油炸雞等。。。 之前試過醃醬辣味炸雞, 同埋原味炸雞, 兩個都好好食! 我比較鍾意食辣, 所以覺得佢嘅醃醬辣味炸雞好好食 有啲款仲有半隻或者一隻比你揀。每次叫嘢食都會有一碟醃酸蘿蔔, 泡菜跟比你, 泡菜好好食, 可能外賣關係, 但份量比較少。呢個就係原味炸雞, 佢嘅粉漿唔係好厚, 炸到啱啱好,熱辣辣的, 雞肉仲有好多肉汁我好鍾意食年糕嗰種煙煙韌韌嘅感覺, 所以叫咗呢個 芝士泡菜炒辣年糕 啲芝士可以拉絲拉得好長㗎份量都好多!呢個炸韭菜餃普通咗啲, 冇乜特別叫咗個紫菜飯卷, 因為怕唔夠飽, 但係呢個紫菜飯卷就麻麻喇, 比起出面買嗰啲差咗少少, 不過35蚊咁嘅價錢仲想點

小預告：其他嘢食還好，但炸雞真係呢間店嘅主打！佢位於一個舊式商場嘅地下，門面較細，好容易會miss過。其實就喺麥當勞隔離！.1️⃣原味炸雞（半）+香蔥炸雞（半）（$148）佢仲有好多味，但由於唔想食有汁嘅炸雞所以揀咗呢兩款🐣枱面有成包手套任你攞，好貼心。兩款炸雞都炸得皮脆肉嫩！佢啲炸粉唔會好厚，啱啱好炸到熱辣辣，啲雞肉仲要滴肉汁！原味就可以試到隻雞新唔新鮮，呢款係完全過關✅而香蔥款底下其實有啲酸汁，個人鍾意原味多啲💕.2️⃣芝士蛋卷（$98）賣相高調輾壓其他菜式！除咗面頭極有pattern嘅斜格茄汁芥末外，仲好大份！切咗4份，一人一份每份都成隻手掌咁大，都好夠飽🤰🏻芝士仲要拉絲🧀入面係勁厚啲蛋壓埋，好滿足！.3️⃣泡菜煎餅（$68）呢個比較遜色啲🥲個人鍾意食啲脆邊啲泡菜煎餅，而呢個成塊都淋batbat，亦都無乜口感，可能韓國正宗係咁？🤷🏻‍♂️.4️⃣泡菜芝士炒飯（$78）呢個都係還好🥘無expect中嘅拉絲效果，而鐵板都唔夠熱，做唔到飯蛋同芝士完美融合嘅效果⋯⋯.性價比：🌕🌕🌕🌕🌗美味度：🌕🌕🌕🌖🌑獨特性：🌕🌕🌕🌑🌑

外賣真係唔好買見open rice評價唔錯，食物個樣都ok所以打算買個外賣試下啦點知一接過手就知出事炸雞半份+一份泡菜炒飯拎上手輕飄飄既？🤔返去打開。。。泡菜炒飯有隻煎蛋，但係少過半個外賣碗插隻外賣匙羹落去，得半隻匙羹咁高$50得幾啖會唔會太過份？味道方面，泡菜少，好濕，唔似炒不過是但啦，得兩啖轉下眼就食哂☹️$78炸雞得4件，寫就寫半隻，比就無半隻味道方面，可能我係外賣所以淋左，唔關佢事但係辣炸雞味唔出，可以用無味嚟形容雞肉算滑，可惜無味真係敗筆一個碗+$2百幾蚊食完都唔飽，唔算好食寧願比貴少少食好d，總之唔會再食第二次

勁，勁，勁差，今日同阿仔專呈黎食佢個芝士泡菜炒飯，做到衰過外面啲碟頭飯，簡單黎講是垃圾，可惜這裡冇相片發佈，否則一定要擺上網比各位街坊品評，下次唔會再幫襯囉。😡😡😡

去悅來酒店晚一晚，夜晚諗下想食咩，行過見到呢間鋪，見佢都幾多款同價錢亦算合理，但見佢入面地方唔大，咁就外賣同老婆去過好多次首爾玩，當然都叫做食唔小韓國食物啦，咁炸雞就一定唔小得見佢有幾款炸雞，可以半隻叫，咁就可以試兩款，再加小少少小食試炸雞醬汁調味十分好，非常接近喺韓國食嘅味道，其他都好好味最開心係我飲得返我喺韓國街邊小食檔飲到嘅湯，因為上年年頭過去嘅時候，食開嗰檔個「呀芝媽」冇做頂咗手，飲嗰得返，非常失望，估唔到竟然可以喺香港飲到

午餐。常常想光顧但沒位，是日提早吃飯去試試碰運氣，成功。價格不貴，同行共7人，都叫了湯飯及拌飯。有點不夠飽，7人加了個蒜燒雞。整體來講對得起價格，味道也不錯，收為街坊小店，原來已有幾家分店，快餐來說不錯吃。

好耐無食韓國野 朋友帶左我去屋企附近 韓國人開既餐廳招呼我地既店主主要都係英文溝通 識講少少廣東話 間鋪唔係 好多檯 所以我地要坐入商場加位 店主好有禮貌遽上order 紙 放低前菜 酸蘿蔔 同泡菜仲怕我地熱專登攞把風扇 過黎比我地 叫左4樣野五花腩生菜包人蔘雞芝士雞肉胶子炸雞半份我最鍾意五花腩 加埋生菜 同泡菜蘿蔔 好好食 五花腩唔會太乾 而且唔會切得太薄 人蔘雞就普普通通芝士雞肉胶子 黎到係薄餅形都幾搞笑 芝士我向來麻麻 不過呢個配左個sauce 我又覺得幾好食 啖啖都係肉既同時 上面有羅馬生菜🥬 岩岩好balance左炸雞 唔算太乾 ok 不過不失喇總結係服務+食物 都幾好 係鋪頭細d囉下次會再去

晚餐時間黎到荃灣區，見食評話店員為韓國人，快閃外賣試試小店出品有冇韓國feel。泡菜炒飯：泡菜好食，作為炒飯飯太濕，外賣份量唔大。紫菜飯卷：味道普通，正常，不過不失。店員目測韓國人，流利韓語，待客友善，堂食位有幾張枱，外賣出餐速度快，咬飯時間再o係荃灣區既可以再戰。

餐廳由韓國人👨🏻主理， 由廚房到樓面招呼的都係韓國人， 包您食到最正宗的🇰🇷口味💁🏻‍♀️👉 香蔥炸雞味道偏淡， 同一般的濃味韓國炸雞有少少唔同😂 加上香蔥一齊食都唔錯， 但略嫌冇咩肉汁🙈👉 泡菜芝士炒飯拉絲芝士🧀雞蛋配上泡菜炒飯💯， 值得一提的係餐廳特意調整過辣度適合香港人的口味， 唔會死辣， 非常細心😍👉冷麵 冷麵味道行貨， 但提供出酸汁及芥末俾客人自行調整真係好好好細心👍🏻👉 芝士蛋卷超級推薦必食的芝士🧀蛋卷😋， 差唔多成隻手臂咁長😱 半熟的蛋卷中間夾滿拉絲芝士， 份量好似唔洗錢咁多🤭， 加上面頭的蕃茄醬同芥末， 真係一口又一口食唔停🤤

每次去到朋友屋企，大窩口實在太冇嘢食，一係買aeon，呢一間係唔錯嘅選擇，價錢合理，味道不錯👍🏽雖然得四個人，但叫咗唔同嘅嘢食，韓國炒粉絲、韓式炒年糕、炸雞、芝士蛋卷、芝士泡菜炒飯等等。自己幾鍾意佢個韓式炒年糕，辣度適中，又有魚糕，要食！仲有佢個芝士泡菜炒飯，佢個芝士可以拉到好長，炒飯底少少辣，個芝士又中和返，個感覺幾得意。芝士蛋捲嘅芝士好多，自己都幾鍾意食芝士，佢面頭又有醬汁同埋蛋黃醬，好夾，好好食😋

剛過星期一屋企無得返，迫我地出街食飯，同姐商量後就來返呢間韓國人主理既韓食店之前來食過覺得唔錯，加上姐喜歡呢到既豆腐海鮮鍋，同愛的迫啪既威力，所以就再encore🤭一去到剛巧近門口有位就入坐，未落單，"香nim"(即大哥)就俾左一碟泡菜同蘿白kimchi,兩碟都好好食!😋😋再叫多一round👍再睇下menu有咩食先，我地兩條友一定會叫豆腐海鮮鍋，炸雞都會叫但味道都有幾種，最後商議後就叫左個醃醬辣味炸雞一隻，由於都想試其他野，再叫多左個炒雜菜炒絲。等左一陣就來碟雜菜炒絲先，炒得個質地好食，軟硬適中，口感好正，粉絲夠黏滑，但略蠔油味多左同材料較少，平常外面的吃到都會有冬菇絲，蛋白絲，菠菜絲等。但呢到只有紅蘿白，洋蔥，雲耳。。。美中不足，10分滿分有7分既😌第二上就係豆腐海鮮鍋，呢個真係無得輸，味道平均，料多，不過唔配飯要另叫，但都叫埋個飯，因為有個半熟蛋，唔叫成件事配合唔到😆真的唔錯有9分🤤最後炸雞上台，雞好食無酥味，肉夠白，胸位肉唔會鞋，夠大件，雖然落左汁驚唔夠脆，但唔會影響到，同埋我食到醃料有少少熱浪味😆，個汁唔會話好spicy,定係我食得辣，成碟計都有12至14件，有10分❤最後頂唔

第一次試呢間韓國小店，都幾有驚喜！今次叫左4樣嘢食，香蔥炸雞半份，流心蛋芝士溶岩泡菜炒飯，海鮮煎餅，煎餃子。香蔥炸雞，推薦！d蔥好好食，連埋d炸雞一齊食好惹味，d炸雞炸粉好薄，雞肉又唔會太鞋。芝士泡菜炒飯都不錯，係炒飯個味太濃，再加埋芝士就太重口味，要飲多幾啖水。海鮮煎餅都好食，好足料，粉又唔會太多，加埋d大蔥，下次會再叫！煎餃就一般水平，冇乜驚喜，好炸，好熱氣，下次唔會再食。之後再去左一次食左芝士蛋捲，份量好多，芝士好多，好滿足，都好推薦！

在大窩口附近,就只有這間韓式食店,這店好細,只三張檯,今日人多,有啲食客都被安排坐走廊位呢度除午市套餐外,單點食物選擇都幾多,但計價錢的話,午市套餐就較抵食午餐選擇都有好幾款 今日叫左辣豬肉拌飯,加$2可以加飲品,我就選左韓國青提子汁飯餐送三個小菜(芽菜,泡菜,青菜)+一碗海帶湯,湯就咸咸地,小菜就送飯一流辣肉拌飯,係碟上,有紅蘿蔔絲,洋蔥絲,豬肉片,加韓式辣醬,份量都幾大,入口有點辣,豬肉好入味肉質幾軟,只要$48,都幾抵食