品味

营业中

休息中

湾仔最近新开咗一间地道越南风味Banh Mi 嘅小店， 非常喜欢越南法包嘅我，当然会即刻走去试一试。 店舖面积唔算大， 但店舖布置得几有特式。看看餐牌上的介绍， 除了主力越南法包外， 另会有些越南小食， 捞檬等食物可选择。 我要了一份 Cold Cut Sandwich ($78）， 都要等咗大概二十分钟， 我 order嘅越式法包终于整好。法包份量算正常饱满。包内各样配料食材看上去够地道亦非常丰富，惊喜是包内用上多种不同款式扎肉，肉松等， 食起来味道口感非常地道，非常丰富。 但我个人略嫌饀料酱汁调校过于湿润。另外面包相对包内食材嚟讲就有㸃失色，面包内层能做到松软， 但外层就完全唔酥脆。 影响咗成份越南法包嘅风味。从师傅在工作枱上制作法包过程， 以至对包内饀料食材所选用嘅要求， 完全感受到店主对制作地道越南法包嘅诚意。