王幺妹黔川米線 (已搬遷) 新店位置

因为大学一啲活动而去过云南乡市几次，算系感受过当地人嘅食法，呢间小店菜式几贴近地道食法。MENU上嘅土豆、酸角对港人不甚吸引，但的确系我喺当地日日见到嘅菜式。呢度对薯仔嘅切法实在勾起我唔少回忆。讲系咁讲，香港人食米线都系钟意肉多啲~汤底几特别。我哋叫咗小辣，但汤底依然充满胡椒、花椒香，呢只味我坦言喺香港未曾食过。米线质地、味道都比较似上海面，冇深究过贵川米线系点。但我觉得系好食嘅。牛展好稔好入味。呢度嘅蒜泥白肉唔似见开𠮶种切得齐齐整整嘅腩肉，亦冇落白醋。主要系大量蒜香同花椒油香。不过味道偏咸，十足云南味。小店卫生总不能太苛刻，但食落系几有风味嘅。