水門雞飯 (萬勤商業大廈)

营业中

休息中

夜晚八点几𠮶阵行过餐厅，冇乜人排队就入咗去试咗。餐厅好光猛好企理，楼底都好高，好舒服。铺面见到好多唔同嘅菜式推介，就嗌咗一份水门捞面同埋一碗泰北清冬阴鱼片汤粉，再拼招牌水门鸡半只。先嚟咗个捞面，份量好大份，啲𩠌都好多，一共有三种，分别系鸡脚、鸭血同猪手。个捞面汁唔会好咸，每款𩠌都好入味，捞埋个面底感觉好match! 然后嚟咗水门鸡半份，鸡件好滑有鸡味，配埋佢个特色鸡酱，食唔停口！本身碟鸡仲会配鸡杂，成个配搭都好出色然后就嚟咗个清冬阴汤粉，佢只冬阴唔系红色𠮶款，而系望落去好似清汤咁、但系个味道系好泰式酸辣个鱼片都好鲜好有鱼味，配合埋蚬嘅清甜，成个冬阴汤都好好饮，本身仲嗌咗个梳打水都饮唔晒！值得一试总结嚟讲，间餐厅唔系平时出面食嘅泰国餐厅，好有地道风格特色！