好味餃子店

营业中

休息中

听过好味饺子店好耐， 系葵涌同长沙湾都有分店。 咁岩朋友中意食饺子，就同朋友去左长沙湾𠮶间试下。位置方便同D2 place 都几近， 几方便。下午茶时段好抵， $33一个套餐可以简5只汤饺或者煎饺，加$2可以简双拼，再配一杯豆浆、甘草茶或者雪梨茶。🥟 我就简左汤饺，加左$2简左粟米同芫茜饺子，饮品就简左冻罗汉果甘草茶。 粟米饺子满满既粟米同猪肉 ，好juicy; 芫茜饺子比想像中冇咁重芫茜味， 饺子皮比较厚身，唔会太薄搞到好易穿，所以食落去口感不错。 值得一提系个汤底几特别， 系用野葛菜生鱼猪骨汤，饮落好健康同几特别。 罗汉果甘草茶几清新， 有淡淡既回甘味，够哂清热气。🥟 朋友简左双拼煎饺：云耳椰菜煎饺同白菜煎饺，配冻雪梨茶。饺子煎落几香口 同比较硬身。 云耳椰菜既质感几特别。 冻雪梨茶唔会太甜，岩岩好， 个底仲有一啲芦荟粒， 好滋润！ 🍽️ 胡麻酱滑豆腐（$24） ：满满既胡麻酱， 口感不错。