莎巴馬來西亞餐廳

营业中

休息中

疫情之前，其中一个我最钟意去嘅地方就系马来西亚，好挂住当地美食，今日就同朋友揾到呢间位于湾仔嘅马来西亚莎巴回味一下。马来椰汁牛肉辣饭$88牛肉用特色辣汁淆煮非常入味，椰浆饭香气扑鼻，配鱼仔、花生、鸡蛋等配菜，非常地道。海南鸡喇沙$105海南鸡冇骨，肉香油滑，喇沙汤底浓郁挂面，厚厚豆卜尽吸汤汁。肉骨茶$98肉骨茶甜甜地，香料味四溢，易入口，唔会太重药材味，排骨肉厚腍滑，配油炸鬼食就最惹味。网丝炸春卷 $45 即炸网丝春卷热辣辣，香脆度惊人， 虾肉馅料新鲜弹牙。柠檬薏米水$22 食完脆卜卜嘅美食，最啱就系饮返杯冰冻柠檬薏米水，味道清新微甜仲有粒粒薏米。