鳴越越式料理

营业中

休息中

东南亚食物最啱我口味，味道够浓，今日行过上环，见到呢间越式菜餐厅，又忍唔住要入去试吓。呢间餐厅地方都算大，座位多，睇嚟应该系平日打工仔嘅食堂，食物选择都有唔少，我哋就叫咗一饭一面一小食。薯丝炸虾春卷：薯丝炸得好香脆，里面包着一只虾和一些虾滑，外脆内弹口，虽然只系几十蚊，但份量都唔少，有成六大只㗎！越式春卷汤檬：食得多炸野想食清淡啲，所以就叫咗汤檬，汤檬嘅味道唔错，就咁食都好够味，仲要大大碗，份量非常多。春卷揸得好香脆，系好正宗平常食到嘅越式春卷嘅味道，馅料都唔少，好味道！马拉盏炒芥兰猪爽肉：啲芥兰炒得非常好食，马拉盏嘅蒜蓉味好浓，唔知点解我仲觉得有少少虾膏味添，送饭一流！猪爽肉真系好爽口，我估应该系猪颈肉黎？小菜嘅份量好足，仲配埋白饭，一定够饱。