影片
更多
2024-11-02
304 浏览
喺屋企附近揾间好嘅法国餐厅，原来唔系咁难。喺将军澳Popcorn一楼，有间食Causal法国菜几出名嘅ODelice! 。之前已经试过佢个brunch，今次嚟试吓佢晚餐。佢嘅二人餐好有趣，$538就有两份汤同餐包、头盘或甜品，同埋两份主菜。即系话可以选择一份头盘一份甜品加两份主菜，感觉上冇咁滞，可以留返啲位食甜品😂。当中有啲菜式可以加钱升级，但整体嚟讲就算唔升级都几多选择。法式点心拼盘 (+$30)作为Starter佢系极之有惊喜。首先一个Starter差唔多系二人份量，当中包括- 蟹肉他他- 蕃茄红甜椒蘸酱- 迷你蛋批- 炸黑松露蘑菇球- 西班牙火腿呢个根本就系西班牙tapas拼盘，每样嘢食都系small bite，如果以一人份量计其实系几大份。味道方面最好食系炸黑松露蘑菇球，有阵阵松露味，加上蘑菇嘅质感。蛋批同蟹肉他他都有不错水准。原只烤龙虾 (+$135)上菜已经吓一跳，除咗因为龙虾好大只，原来仲跟咗个薯条。龙虾有非常丰富嘅芝士酱，配埋啖啖弹牙嘅龙虾肉，食𠮶阵真系谂紧，咁先系法国菜嘛！阿根廷安格斯肉眼牛排 (+$45)Medium Rare嘅阿根廷牛扒，做得相当不错。首先要赞嘅当
喺将军澳Popcorn一楼，有间食Causal法国菜几出名嘅ODelice! 。之前已经试过佢个brunch，今次嚟试吓佢晚餐。
佢嘅二人餐好有趣，$538就有两份汤同餐包、头盘或甜品，同埋两份主菜。即系话可以选择一份头盘一份甜品加两份主菜，感觉上冇咁滞，可以留返啲位食甜品😂。当中有啲菜式可以加钱升级，但整体嚟讲就算唔升级都几多选择。
法式点心拼盘 (+$30)
作为Starter佢系极之有惊喜。首先一个Starter差唔多系二人份量，当中包括
- 蟹肉他他
- 蕃茄红甜椒蘸酱
- 迷你蛋批
- 炸黑松露蘑菇球
- 西班牙火腿
呢个根本就系西班牙tapas拼盘，每样嘢食都系small bite，如果以一人份量计其实系几大份。味道方面最好食系炸黑松露蘑菇球，有阵阵松露味，加上蘑菇嘅质感。蛋批同蟹肉他他都有不错水准。
原只烤龙虾 (+$135)
上菜已经吓一跳，除咗因为龙虾好大只，原来仲跟咗个薯条。龙虾有非常丰富嘅芝士酱，配埋啖啖弹牙嘅龙虾肉，食𠮶阵真系谂紧，咁先系法国菜嘛！
阿根廷安格斯肉眼牛排 (+$45)
Medium Rare嘅阿根廷牛扒，做得相当不错。首先要赞嘅当然系成熟度准确。肉质够腍亦有油香，但又唔会好肥，所以食好多块都唔觉得腻。要留意枱面提供盐同黑椒系要落嘅，咁样会令块扒好味好多。
芒果红莓酱可丽饼椰子雪糕
砌得相当靓嘅Crepe。
其实个逻辑好简单，就系用芒果同红莓酱嘅酸度，平衡椰子雪糕嘅甜度。而结果系成功嘅，整体唔会偏甜，Crepe当然就系提供质感。
Domaine Roux Pere et Fils ’Les Cotilles‘ Pinot Noir $90
之后讲讲红酒。呢啲表面上系VDF，实际上酒庄喺Burgundy，所以Pinot noir都有一定水准，颇甜美，红果香爆棚。
Japanese Mule $85
主要嘅成份系Gin同巨峰提子香甜酒。但当中闻到唔少嘅水果味，亦有一定花香。饮落去酸酸甜甜嘅水果酒咁，清新解渴，亦有酒精作支撑。
有时要食好嘢唔一定要去到山旮旯，地铁站上盖一样有好嘢食。最后要赞嘅其实系餐厅嘅节奏控制，佢唔会将所有嘢食一齐上菜，而系先上starter，食完到主菜系两份一齐上，最后收晒枱面嘅嘢先上甜品，明显唔系赶头赶命嘅节奏。
张贴
