雞煲王 (已結業)

作为岛民，我系永远唔会再去果度食架啦。食左4次，3次都有问题。第一次，叫农家小炒，上左小炒王，话呢个仲贵啦，咁我以为系收返农家小炒价格先会咁讲，点知埋单都系按小炒王收，算，30蚊，豪俾你。第二次，真系周日到处都无位，焗住要去，叫两个菜，其中一个菠萝骨帮我x2，我叫她改，她话一阵间，我怕她忙起上来真系落左两碟俾我，又要我硬食，我好坚持要她立刻改，她个样超唔happy。本来唔想再帮衬，但有邻居写话依家好左，所以心思思又试过。第三次，有饭有糖水送，平安渡过。第四次上个礼拜，同邻居结伴前往，见墙上有西兰花炒班球，就点左。上面无价钱。后来先知168，细碟到⋯⋯仲要系粟米班腩果种鱼块（如图）。你俾啲新鲜嘢都无咁庆啊。埋单4个人，500几，走既时候，个靓女仲系后面加一句，喂，你地未埋单喔。我地完全唔想理她，赶住去百佳买嘢食啊⋯⋯