明閣 (鷹君中心)

约咗朋友湾仔明阁饮茶，金钟返工坐去会展站一个站超快，一出站B3出口行1分钟就到，地点十分方便。两个女仔，咩都想试又想饮汤。服务员推介点心尝味套餐，套餐有一个前菜，一个老火汤，七款点心加一款甜品，位上。感觉卫生，影相打卡又靓。前菜系招牌极品蜜汁叉烧，半肥瘦冇得输，配埋麻香海蜇丝，水准之作。饮完汤食点心。点心方面有三个蒸点心，三款香口既点心，仲有一个珍珠鸡，够晒饱。同埋点心唔系普通款式，最爱当中一款炸芋角充满黑松露香气，香口得尼一啲都唔油腻。另外有一款醋香鳕鱼，用蛋挞皮装住，好好食。最后甜品系桃胶鲜奶奶冻，简直系我既最爱。大家如果去开会展站，不妨去湾仔明阁一试呢一个点心尝味套餐，十分推介。