囍慶酒家

营业中

休息中

一般系公屋村入面嘅酒楼比人嘅感觉就系得过且过，无咩要求。但囍庆作为有几间分店嘅品牌，又maintain到应有嘅品质，最钟要系价钱都算公道，深受食客喜爱。晚市嘅各款孖宝系列的确吸晴，每款卖200蚊左右，仲有其他平价海鲜，烧味，以及小菜。蒜茸粉丝蒸贵妃蚌 (64) - 除返开都系16蚊/只，自己去街市买都系差唔多价钱，仲唔洗自己整添。贵妃蚌大大只好厚肉，蒸煮时间岩岩好，仲keep到好嫩好有肉汁，亦够鲜味。连粉丝都够晒入味!避风塘炒辣肉蟹 (128) - 平时食肉蟹最平都300蚊起，呢度128蚊简直系超值中嘅超值! 必食之选! 虽然蟹唔算肥美，但都有唔少肉，避风塘方式炒到肉蟹都算上色入味，整体唔错。但避风塘嘅炸蒜蓉份量唔够多。蜜汁叉烧王 (108) - 例牌嘅叉烧大大份，都有唔少肉汁，肉亦够滑唔鞋身，仲好够蜜味!鲜腐竹一品斋 (78) - 一品斋有鲜腐竹，栗子，雪耳，云耳，山根，菜心等等，打左个芡汁令整道素菜提鲜而无甘单调，食落又几香，食左几道较油腻嘅菜式，食返个斋中和返都唔错。甜品芒果布甸 (16) - 芒果布甸偏甜，中间夹左唔少芒果肉，友人嘅小朋友十分喜爱。