御．八幡屋日本料理 (已結業)

兆万一向都多放题选择，但质素就未敢保证，今次行街经过呢间放题店，见到佢入边好宽敞，环境好舒适，枱同枱之间唔会好迫就选择左入去啦。首先，一入到去都系就即刻拎张刺身纸写，第一转叫咗有头甜虾三文鱼刺身象拔蚌刺身吞拿鱼刺身，而之后都仲有再encore既就系有头甜虾三文鱼同象拔蚌刺身，呢三样系必食推介每样刺身都十分之新鲜唔会得雪味。由于我哋加左＄50升级，刺身方面仲可以叫埋珍宝带子同埋大大只嘅虾添呀，简直系今次放题既重点！加左钱升级仲可以叫埋日式蒸蛋，系好滑嘅蒸蛋，滑得黎亦都唔会缺乏蛋味，正！同行既友人见到有迷你部队锅，贪得意叫咗一个来试吓，个部队锅都真系好迷你啊，但系入边极之足料同普通一个部队锅入边有嘅𩠌完全一样，绝对推介大家试吓仲可以满足埋大家食韩国野既愿望。另外不得不提，海胆军舰都系非常值得试吓㗎 ，虽然佢嘅海胆只系好少但系绝对唔会系好似其他放题店咁啲海胆系有腥臭味重有鲜甜味添。嘢饮方面，系采取自己出去雪柜拎嘅方法，除咗普通嘅汽水同纸包饮品之外，我见到每一台都一定会有一支苹果山楂同埋蜜瓜西米露添。呢一间放题唔会漏单，嘢食亦黎得好快，坐又坐得舒服，绝对会有下一次。