百利來美食 (已結業)

朋友话前排食在元朗嘅group好多人推荐呢间百利来，所以我地食完晚饭都嚟试吓😛因为食完晚饭，所以我地都系叫两款小食同一碗花胶鸡汤翅「浅尝」算啦🤣我冇食到碗翅，所以讲唔到觉得佢点😛但我就几喜欢啲炸烧卖同炸豆腐😆即叫即炸，所以都系热辣辣㗎！.炸烧卖好大粒，表面层烧卖皮炸得香脆。不过都系叫唔辣好啲，因为啲辣椒油对我嚟讲太辣😂炸豆腐我就更爱。呢个豆腐外面炸过，但其实咬开发现入面好滑，加埋我好喜欢嘅蒜蓉一齐食，我钟意呀🤤.整体价钱不贵，炸烧卖廿蚊有八大粒，炸豆腐廿蚊好似都有七件定八件。不过呢啲炸嘢真系好油腻，感觉烧卖同豆腐都系极吸油嘅食物☺️而间嘢虽然位置系喺熟食中心，但坐嘅地方都ok。