影片
更多
2022-06-01
55 浏览
去开屯门做嘢, 顺话便约埋好友见吓面叙吓旧, 佢带咗我去卓尔广场里面去食手撕鸡, 呢间舖头我都见过有专门店买外卖嘅,唔知道原来有一间可以堂食嘅旗舰店添两个人各自叫咗一个精选推介, 我叫咗一个醉鸡丝凤爪鸡肾水晶粉$56 , 水晶粉同𩠌分开上，未食已经闻到好有酒香，上面仲洒有白芝麻更滋味，醉鸡丝嫩滑又够味，鸡肾爽脆满有酒香，凤爪爽脆够味，正！精选推介系有例汤饮配送嘅，见材料有粉葛红萝卜瘦肉…饮落足料好味无味精，好饮㖞。闺蜜叫咗胡麻酱手撕鸡捞乌冬（冻食 ）$56 可以拣冻食或者热食㗎。我试咗少少乌冬口感烟韧有弹性，捞埋胡麻酱够香又滑溜。我哋仲叫咗一个小食双拼和上汤娃娃菜：鸡肾拼酱油冬笋$38酱油冬笋好入味口感爽脆，鸡肾一句讲晒爽！上汤娃娃菜够新鲜，腍中带脆。我哋又叫咗特色饮品，好友系金桔奇亚籽水晶蜜，佢话好香金桔味，配埋奇亚籽滑嘟嘟，好正咁话。我嘅系3.6牛乳水晶华田， 3.6牛乳奶香十足，华田水晶口感似啫喱，随住温度上升，华田水晶慢慢渗透进入牛奶内，奶味逐渐被华田味遮盖，所以钟意趁冻饮🤭
两个人各自叫咗一个精选推介, 我叫咗一个醉鸡丝凤爪鸡肾水晶粉$56 , 水晶粉同𩠌分开上，未食已经闻到好有酒香，上面仲洒有白芝麻更滋味，醉鸡丝嫩滑又够味，鸡肾爽脆满有酒香，凤爪爽脆够味，正！
精选推介系有例汤饮配送嘅，见材料有粉葛红萝卜瘦肉…饮落足料好味无味精，好饮㖞。
闺蜜叫咗胡麻酱手撕鸡捞乌冬（冻食 ）$56 可以拣冻食或者热食㗎。我试咗少少乌冬口感烟韧有弹性，捞埋胡麻酱够香又滑溜。
我哋仲叫咗一个小食双拼和上汤娃娃菜：鸡肾拼酱油冬笋$38
酱油冬笋好入味口感爽脆，鸡肾一句讲晒爽！
上汤娃娃菜够新鲜，腍中带脆。
我哋又叫咗特色饮品，好友系金桔奇亚籽水晶蜜，佢话好香金桔味，配埋奇亚籽滑嘟嘟，好正咁话。
我嘅系3.6牛乳水晶华田， 3.6牛乳奶香十足，华田水晶口感似啫喱，随住温度上升，华田水晶慢慢渗透进入牛奶内，奶味逐渐被华田味遮盖，所以钟意趁冻饮🤭
张贴
