影片
更多
2023-04-28
163 浏览
𠮶日行去Donki，突然之间发现原来有间寿司。上网一睇先发现原来都开咗一段日子，唔知点解嚟咁多次一直都冇留意到。反正就系𠮶次见到之后就记住左佢。-话说𠮶日我个friend约我出去食 #寿司郎 结果我哋发现每间分店都等紧二百几个numbers…放工咁肚饿嘅我根本冇办法可以等😭所以我哋决定求其揾间寿司食，然后就去咗呢间唔使等位嘅 #鲜选寿司 讲真去到门口嘅时候差啲唔敢入去，星期五嘅晚市时段竟然唔使等，仲要有咁多位…我哋本住试伏既心入咗去….餐厅嘅设计好简单，一坐低就觉得好舒服。我哋两个人坐紧一张可以六个人坐嘅枱，即刻印象分+100… 唔知点解每次同呢个friend去食嘢都系伏…所以我哋今次叻左，第一轮叫嘢食嘅时候只系叫几件试吓先，如果唔好食嘅话就即刻走人去第二间。😂😂😂😂上菜嘅时候见到啲寿司卖相都几靓，OK加多50分。咁肚饿嘅我哋梗系即刻试吓啦，食落又真系OK㖞…我哋谂唔明点解完全冇人等位（唔知系咪大家都觉得比贵咗既价钱食Donki外卖寿司好唔抵？）不过都唔系呀，佢哋始终都系喺厨房入面整，起码唔系摆咗雪柜一段时间啦 同埋仲要坐得舒服㖞..-不过平心而论佢哋嘅选择系比较少，同埋价钱都唔系话十
-
话说𠮶日我个friend约我出去食 #寿司郎 结果我哋发现每间分店都等紧二百几个numbers…放工咁肚饿嘅我根本冇办法可以等😭所以我哋决定求其揾间寿司食，然后就去咗呢间唔使等位嘅 #鲜选寿司
讲真去到门口嘅时候差啲唔敢入去，星期五嘅晚市时段竟然唔使等，仲要有咁多位…我哋本住试伏既心入咗去….
餐厅嘅设计好简单，一坐低就觉得好舒服。我哋两个人坐紧一张可以六个人坐嘅枱，即刻印象分+100…
唔知点解每次同呢个friend去食嘢都系伏…所以我哋今次叻左，第一轮叫嘢食嘅时候只系叫几件试吓先，如果唔好食嘅话就即刻走人去第二间。😂😂😂😂
上菜嘅时候见到啲寿司卖相都几靓，OK加多50分。咁肚饿嘅我哋梗系即刻试吓啦，食落又真系OK㖞…我哋谂唔明点解完全冇人等位（唔知系咪大家都觉得比贵咗既价钱食Donki外卖寿司好唔抵？）不过都唔系呀，佢哋始终都系喺厨房入面整，起码唔系摆咗雪柜一段时间啦 同埋仲要坐得舒服㖞..
-
不过平心而论佢哋嘅选择系比较少，同埋价钱都唔系话十分平。如果你愿意等寿司郎嘅话，咁佢都真系完全冇可比性嘅。
-
之后隔咗个几月我都有再去多一次，假期食饭时间完全揾唔到位，呢间都真系一间好好嘅选择。
-
寿司嘅嘢不嬲都系你比咩价钱就食咩质素，所以以下既✅✅❌❌都系根据「如果有一日我再去食，我会唔会再叫」
✅火炙鳍边 $28 我唔介意净系嚟食呢个
✅三文鱼寿司拼盘 $38 钟意食三文鱼嘅都几抵食
✅茶碗蒸 $28 够晒热 唔太咸 冇记错啲𩠌都几丰富
✅山葵八爪鱼 $7 我钟意食
✅吞拿鱼他他 $18 油脂唔够多但系过下口瘾好开心
✅飞鱼子寿司 $10 我钟意食
✅烧三文鱼腩 $48 够晒肥 比我想像中好食 有惊喜
🆗蓝鲸吞拿鱼大拖罗 $48 唔系唔好食 只系同我平时食开嘅大拖罗有出入 如果要过口瘾嘅话 应该唔使叫呢个 中拖罗都够喇
🆗鲷鱼寿司 $28 冇咩味
🆗油甘鱼寿司 $28 冇咩味
❌贝类手握寿司三贯 $38 唔够爽口有啲啲腥
❌鳗鱼寿司 $10 食落冇咩味我都唔知自己食紧鳗鱼
❓味付腐皮 $7 我觉得呢样嘢好奇怪所以我冇食lol
👥适合人数：啲枱好大张 又唔使等位我觉得几多个人都冇咩所谓
-
💰人均消费：食寿司不嬲都系丰俭由人 我两个女仔去食大概人均食咗$250左右
-
⏰几时食好：去食饭揾唔到位𠮶阵
-
🚪环境：空间感好大，枱好大，冷气都好大。第二次去我个friend觉得佢个厨房有啲好嘈嘅机械声，我个人嚟讲觉得还可以接受。
-
📍地理位置：#铜锣湾站 E出口行2分钟，惠康后门隔离DONKI一楼，logon 对面
10 浏览
0 赞好
0 留言
12 浏览
0 赞好
0 留言
11 浏览
0 赞好
0 留言
6 浏览
0 赞好
0 留言
5 浏览
0 赞好
0 留言
2 浏览
0 赞好
0 留言
1 浏览
0 赞好
0 留言
张贴
