Plato Cafe & Bistro (吳松街)

自己去开佐敦其实都系食𠮶几间，今日有地头朋友带咗我去童军总会对面嘅一条横街，原来有间西餐厅。前菜有忌廉蘑菇汤，蘑菇系水粒相，自己比较钟意一片片嘅蘑菇，不过都不过不失正常嘅忌廉蘑菇汤。菠萝牛肉汉堡($178): 汉堡包皮颜色系黑色嘅，但系食就食唔出有啲咩特别嘅味道，包皮香煎过所以更脆口，少少心思嘢。牛扒保留到有肉汁，而且新鲜煎出嚟仲系香脆嘅，而且配上菠萝就冇咁油腻啦。薯条份量都好多架！BBQ汁烧猪肋骨($208): 要讲吓汁嘅味道系教得几好嘅，但但系今次嘅烧猪肋骨就好似有少少失水准，有啲位煎得比较韧，自己本身期待嘅系一切落去就可以即刻分离到嘅个种。饮品就叫咗冰果茶同埋美式咖啡，亦都正正常常，但系冰果茶唔算太甜，自己几钟意。总结：系呢个地段，又有一间装修得几好嘅餐厅其实已经好好，见到六点几嘅时候都差唔多满座。见到佢其实都花咗唔少心思喺装修上面。我谂呢间餐厅比较适合一大班人食吓嘢倾吓偈，绝对可以坐得耐嘅餐厅。