漁釧 (將軍澳中心) (已結業)

去朋友屋企放低啲物资后，谂住食埋个饭先返去，就拣左间门面几靓嘅日本菜。环境系坐得松动，台同台之间有距离。餐牌就同一般日本餐厅差唔多，有寿司、刺身、串烧同热食，价钱以将中地段黎讲算中价位。🥢烧牛肉沙律牛肉煎得几香，虽然比较薄身，但唔会难咬，仲有啲油脂感，而沙律个汁有啲啲泰式感。整体味道几好，但唔似日本餐厅出品。🥢京葱鸡肉串呢个唔推荐，好似零调味，又无汁酱点，食落好dry。🥢炭火烧鸡落单时店员有提醒我地，只鸡黑麻麻唔系㶶，系个酱汁嘅色。系日本时都好钟意食炭火烧鸡，香港用嘅鸡绝对唔系日本个种弹牙，但都算惹味，又唔会油淋淋。🥢烧青花鱼烧得岩岩好，鱼身仲滑。附送个汁有阵菠萝汁味，夹埋又几fresh，推荐。🥢极上四色刺身丼丼饭份量够两个人食，上面嘅鱼生几新鲜，特别系三文鱼，好肥美。