御和亭日本料理

营业中

休息中

近太和新开日本料理， 以同区嚟讲， 价钱算中上 但系一分钱一分货， 间唔时食下好野对辛苦工作都系一种慰劳， lunch同同事嚟试下先讲装修， 光猛舒适， 有梳化及bar台， 而且都是用木为主， 感觉好和谐到食物， 先奉上每人一杯热茶， 之后点了鱼生饭定食， 天妇罗定食， 甘海老蓉海老海胆反定食， 定食有跟沙律， 面豉汤， (蟹捧)蒸蛋， 甜品鱼生分量绝对够， 唔似出面贵又量少， 除左三文鱼， 仲有油甘， 带子同虾， 而且鲜味十足， 饭够软又带微甜， 好岩食， 另外海老海胆饭，三大只鲜甜牡丹虾，海胆同甘虾蓉， 呢个配搭好正， 值得encore...另外要一提系个蒸蛋， 不但好滑，里面仲系用蟹捧唔系蟹柳经已赢晒😋😋总括食物系有质素， 店员服务又周到， 希望一值keep到水准同识食既客人啦， 加油!有机会要嚟食晚餐先得!