小魚兒 (寶漢大廈) (已結業)

好似好耐冇食过烤鱼，之前喺尖沙咀食过呢间都几正宗，所以今晚过嚟铜锣湾都见到有分店就唔使谂啦，直接拣佢。上到嚟佢呢边个场大过尖沙咀好多，基本上全部都系卡位，坐得舒服好多。饮品方面，佢都有啲特别唔常见嘅饮品，我哋拣咗冬瓜茶同埋甘蔗马蹄。如果通常你饮一罐唔够喉想任饮嘅话呢度都系加$34就可以无限添饮，俾啲要饮好多嘢嘅人嚟讲呢个价钱超级抵㗎。讲返主题先条鱼，佢呢度嘅口味大约有八种左右，每一种都好似会有唔同嘅配菜。我哋今晚拣嘅系酸菜味。配菜方面，佢又好滑嘅豆腐，呢个豆腐煲耐咗啲汁都好惹味。佢呢度嘅酸菜同其他地方用𠮶啲好似有啲唔同，呢度呢个真系偏酸啲唔会得个死咸，但系都系一样会越食越浓味，临尾攞嚟渌下菜打吓边炉真系一流。我哋今晚拣咗江团，贪佢啖啖肉，肉质够嫩滑，最重要系冇乜骨。食到咁上下再录埋啲薯仔同埋莴笋落去吸下个酸菜汤味，超满足结尾。