新記雞粥 (筲箕灣道)

营业中

休息中

喺元朗四围游走，曾经仲帮衬过新记鸡粥。由细细个到依家，新记鸡粥呢个名，喺脑海中都消失咗，直到今日去筲箕湾买𩠌，见到一间茶餐厅，够光猛又企理，加上疫情期间，坐得松动嘅餐厅真系好重要，再望吓个名，原来新记鸡粥由元朗开到去筲箕湾喇。即叫即炸嘅鲮鱼球，热辣辣！大大粒够晒弹牙，而且入面完全无细骨，啖啖肉。当然要加上蚬蚧汁，更加惹味。作为招牌嘅贵妃鸡粥，粥完美索晒鸡嘅精华，充满鸡嘅油香。而鸡肉好滑，咸香味十足，个人钟意加上少少糊椒粉，更加好味。食粥又点少得肠粉呢，今日就叫咗个叉烧肠粉，肠粉好滑，而入面嘅叉烧好足料，唔错。炒到干身，够镬气，而河粉仲keep到好滑，加上辣酱就更加滋味啦。除咗粥品同炒粉面饭，呢到连小菜都有，我哋就叫咗鱼香茄子煲，咸香味十足，热辣辣，份量又多，配白饭一流。