影片
更多
2024-03-19
155 浏览
醉锅今日天气冻冻地，于是决定收工喺铜锣湾揾一间打边炉，就去咗喺VPoint嘅醉锅，由于餐厅位于27/F同埋我哋坐正窗边，都会望到好唔错嘅维港景色！坐低之后，店员推荐咗醉火入锅依个汤底俾我哋，真系唔讲得少，依个汤底嘅精致同埋丰富程度真系我见过嘅数一数二，个汤底分咗五格，中间好signature 嘅有酒浸住几只虾，上嘅时候店员会喺我哋面前点火，仪式感十足，而虾嘅味道俾啲酒钓一钓显得更加鲜味。而其余四格比较特别嘅系有半只龙虾嘅汤底，仲有好足料嘅麻辣汤底，入边有猪皮、云耳、豆卜同埋芽菜，煮耐少少真系好入味！而剩返嘅两格就系比较健康同埋清啲嘅，比较适合煮蔬菜。首先嚟嘅系手打芝士虾丸同黑松露虾蟹饺，我哋都食得岀食材嘅新鲜，个虾丸嘅芝士味唔会太浓抢咗虾丸应有嘅鲜味，而且会有啲淡淡嘅芝士香。作为一位黑松露控，个虾蟹饺就真系冇得输，大大粒！用龙虾汤底嚟渌会最夹，松露味亦都好重，食完绝对会齿颊留香！之后就到打边炉嘅主角啦，我哋两个人嗌咗一份细嘅顶级安格斯牛小排，份量都足够，切工唔错，牛味重而且油脂分布均匀，唔错唔错！会推荐试咗用清汤嚟渌试试牛本身嘅味道先，再试其他汤底。另外就有我每次打边炉必叫嘅响铃，呢度
今日天气冻冻地，于是决定收工喺铜锣湾揾一间打边炉，就去咗喺VPoint嘅醉锅，由于餐厅位于27/F同埋我哋坐正窗边，都会望到好唔错嘅维港景色！
坐低之后，店员推荐咗醉火入锅依个汤底俾我哋，真系唔讲得少，依个汤底嘅精致同埋丰富程度真系我见过嘅数一数二，个汤底分咗五格，中间好signature 嘅有酒浸住几只虾，上嘅时候店员会喺我哋面前点火，仪式感十足，而虾嘅味道俾啲酒钓一钓显得更加鲜味。而其余四格比较特别嘅系有半只龙虾嘅汤底，仲有好足料嘅麻辣汤底，入边有猪皮、云耳、豆卜同埋芽菜，煮耐少少真系好入味！而剩返嘅两格就系比较健康同埋清啲嘅，比较适合煮蔬菜。
首先嚟嘅系手打芝士虾丸同黑松露虾蟹饺，我哋都食得岀食材嘅新鲜，个虾丸嘅芝士味唔会太浓抢咗虾丸应有嘅鲜味，而且会有啲淡淡嘅芝士香。
作为一位黑松露控，个虾蟹饺就真系冇得输，大大粒！用龙虾汤底嚟渌会最夹，松露味亦都好重，食完绝对会齿颊留香！
之后就到打边炉嘅主角啦，我哋两个人嗌咗一份细嘅顶级安格斯牛小排，份量都足够，切工唔错，牛味重而且油脂分布均匀，唔错唔错！会推荐试咗用清汤嚟渌试试牛本身嘅味道先，再试其他汤底。
另外就有我每次打边炉必叫嘅响铃，呢度标榜系即炸手工响铃，嚟到果然冇令我失望，一睇就知啱啱炸起，响铃本身好多层非常松化，亦都非常之索汤！
而为咗食得健康啲，我哋亦叫咗个蔬菜同埋杂菌拼盘，值得一赞嘅系佢𠮶个蔬菜拼盘，种类多之余份量亦都预得好好，有生菜、油麦菜、西兰花同埋秋葵等等，啲菜新鲜到索索声！
最后叫咗个三色鲜制生面，三只色嘅面味道略有少少不同，都属于比较黏身少少嘅面，个人觉得有比较似荞麦面嘅质感，但都好挂汤，个人推荐一定要用麻辣汤底煮！
饮品我哋就叫咗竹蔗茅根同紫贝天葵，打住边炉咁热气饮就最啱，润喉得来又非常清热！
张贴
