慢煮工業 (已結業)

两年前嚟过太子另一间慢煮工业，当时都系男朋友同我庆祝周年纪念，特登揾一间餐厅庆祝。所以呢间餐厅都对我地有特别意义。今次嚟到另一间分店，呢间餐厅大好多，总共有两层。当日系平日夜晚八点都非常多人，差唔多满座。我哋今次二人行，嗌咗三样嘢。一个薄饼，一个意粉同一碟薯条。又系薯条啦😆我真系劲钟意食薯条㗎！我见今次有蕃薯条，就忍唔住嗌！上菜嘅时候我「哇」一声！好大碟啊😱最后仲要拎埋外卖盒带走添。薄饼系要一上枱即刻食㗎！唔可以等㗎！我哋带咗芝士食肉兽pizza，芝士要系热辣辣嘅时候拉丝先好食㗎！冇谂过咁样薄薄地嘅薄饼都咁好食，好香脆。钟意黑松露嘅我哋，又点少得黑松露天使面啦！唔错唔错，每一条意粉都挂有好香浓嘅黑松露汁，野菌有够多，好足料。呢间分店嘅摆设好有特色架！好年轻，新潮嘅感觉。