職人食事 (已搬遷) 新店位置

工厂大厦嘅日式餐厅，听到都觉得抵食。平日夜晚嘅8点几，就上去试试佢。去到见到餐厅门口，发现入面就喺厨房，以为只得外卖嘅时候，原来座位喺对面，但对面又有另一间餐厅嘅餐牌，所以我同友人都犹豫左一阵。有个员工见我地咁迷惘，就出嚟同我地介绍一下，原来喺一间自助形式既餐厅，自己斟茶同拎餐具。睇睇个餐牌，非常简单易明，我同友人不约而同拣左三文鱼玉子蟹籽饭，店员帮我地落单、收埋钱，我地就坐定定等食。呢个时间唔喺好多人，可以慢慢坐下，再细心睇下放餐具嘅位置附近仲有Board Game同Card Game放咗喺到，唔知喺咪可以玩架呢。三文鱼玉子蟹籽饭 ($60)排列得好整齐嘅三文鱼同玉子，仲要好有日式风味嘅碗，衬埋简单嘅木枱、木凳，打卡日式简约风！三文鱼切得好厚啖啖肉，玉子食落甜甜地、蟹籽嘅份量都好足。最紧要喺饭量超级多，果然喺工厦嘅食堂，岩哂需要饱肚嘅打工仔。不过，饭就冇好大嘅醋味，所以如果唔够味可以自己落豉油。咁大碗，食哂真喺好满足。