GOCHISO (已結業)

因为其他餐厅订唔枱，我地一行4人周围揾食行去k11，见呢间餐厅唔洗等就即管一试，结果食物真系好普通无乜惊喜，但星期五晚可以由7点坐到10点都无劲收野要赶我地走，咁呢度的确系一个好坐又方便的餐厅。 沙律上d蟹肉都几多，菜好新鲜够爽脆，最钟意佢只糖心蛋，不过沙律酱唔系好够，味道一般，但朋友当减肥沙律就大赞正合佢口味。 前菜呢个Pama ham但可以块ham唔够咸香而旧蜜瓜亦唔够甜 带子一上碟已经出水，卖相完全唔合格，食落味道带点蒜味，口感咬落去都有咬口，鲜味补救反佢个卖相，都尚可接受啦 鲜虾蝴蝶粉，干争争，个粉完全唔够汁，无乜味，好淡，部分虾仲未清理干净，成条黑边出晒黎好彩Pizza都唔差，新鲜焗超热，外边脆够亦都够多芝士，菠萝配埋蕃茄味好野味牛油果三文鱼pizza都不错，好多牛油果同埋好多芝士，好香好脆，咬落pizza底脆牛油果就淋，好味，只可惜三文鱼一片得一块，小得可怜 甜品都系个块pizza底，出面热但香蕉配埋雪糕上面又冻，双重口感，冰火感觉好正，好味推介。