塚田食堂

营业中

休息中

平时好少嚟坑口食饭，今次比依间日式料理餐厅吸引咗。餐厅有好多吾同种类既野食，包括有自选料理套餐、寿喜烧、定食、烧肉、咖哩等等，所以一定有你岩食既野。餐厅仲有个人既电磁炉，每个人都可以自己一锅，食吾同既野添呀。😋天妇罗锅烧乌冬定食店员会原个锅咁上餐，之后放系个电磁炉上味煮滚，天妇罗已经炸起咗，锅入面有冬菇、乌冬、紫菜。个汤都几清，吾会太heavy。而天妇罗都有好多款式，包括两只虾、南瓜、茄子、粟米仔、蛋。第一次食蛋既天妇罗，都几特别。定食仲包咗啲前菜同埋一个迷你鱼生饭，个鱼生饭都好足料，有甜蛋、三文鱼、三文鱼子同埋吞拿鱼。😋滑蛋猪扒定食定食包咗个面豉汤同埋前菜。滑蛋猪扒用咗铁板上，但啲蛋都依然好滑，吸晒猪扒汁既味，用嚟捞饭真系岩晒。猪扒都炸得岩岩好，个外皮吾会太厚，猪扒既肉质都好滑。