上海婆婆 (東港城)

营业中

休息中

上海婆婆一向嘅食物質素都唔錯，呢晚到訪坑口嘅分店，環境舒適，座位空間亦好闊落。糖醋魚塊（$85）- 魚塊炸得非常香脆，亦好入味，配以菠蘿同埋青紅椒及洋蔥，味道酸酸甜甜，夠晒開胃。干貝賽螃蟹（$88）- 賽螃蟹入口鮮嫩，配搭干貝，口味豐富，落埋香醋，味道更加有層次。松子菜粒炒飯（$82）- 炒飯炒得非常香口，入邊仲有松子、火腿及菜，份量亦好多。炒飯帶少少鹹香，味道好好。小黃瓜拌海蜇（$68）- 清爽小黃瓜搭配海蜇，脆口清新，好開胃嘅前菜。酒釀丸子（$38）- 帶淡淡桂花味同酒香，小丸子好煙韌，份量亦算多，兩個人食都可以喎。