金風小館 (已結業)

礼拜日同家人去粉岭上水谂住揾d好嘢食下，途经新丰路，见到有间新开嘅叫金风小馆（中石化油站对面），于是过去睇睇咩环境。喺门口一睇见餐牌有鸡煲（仲要任饮任食2小时），一于入去试吓，呢度个招牌鸡煲非常鬼马，可以另外加料，我决定叫一个三拼招牌鸡煲，一嚟到色香味都非常吸引，慢煮5至10分钟后，一打开个煲盖d香味扑鼻而来，二话不说梗系揸起筷子试吓佢，因为屋企人唔系好食得辣，所以叫咗个小辣。一入口嘅味道非常之浓郁，d鸡同埋d鸭舌大肠同金钱肚入味非常，唔使一阵已经食晒啲鸡，跟住就到加汤火锅，可能本身鸡煲𠮶啲酱汁味道浓郁，到咗加汤之后个汤底味道都不失味道，火锅料嘅选择亦都算多，值得一提，即炸响铃绝对「正」！我敢讲句绝对系性价比高