爆汗串串 (已結業)

今日约了2位同事食饭，估唔到佢哋竟然约咗去食旺角新开嘅一间四川成都菜，爆汗串串。今次真系爆汗串串，我好钟意食辣，但一食辣野就流到成身汗。但又真系辣得好过瘾。 呢种成都风味嘅串烧，系真麻辣汤食嘅，啲竹签好长，店员话系成都送来的，个麻辣汤底味道好激，同我10年前喺四川食嘅麻辣汤底有几分相似！不过麻辣牛肉串认真好食！我哋叫咗10款麻辣，五串蔬菜唔辣。小食方面，我哋叫咗一个清汤水饺、棒棒鸡及香辣凤爪。叫咗一碗爆汗牛肉面同酸菜猪肚阔薯粉，个阔薯粉真系好过瘾，质感唔系一般米线舖食到个钟，爆汗牛肉又再一次为我爆汗！食完真系好辣，店员介绍我哋食一款四川甜品来解辣，成都老冰粉，冰凉微甜香滑！正！ 四个人埋单都系$500，真系有饱肚抵食又好味！