南記粉麵 (已搬遷) 新店位置

响铜锣湾睇完专科医生，穷到㶶左，但都要食饭架，惟有揾间平平地既，弥补一下荷包既严重创伤。一向都知南记评分高，又就脚，就去试下。南记门口好窄，但入到去原来有两层，大把位，唔驶等，正！四宝紫菜河 ($37)，有招牌春卷、牛丸、鱼蛋、墨丸，清汤汤底够味，唔会水鬼尿，已经成功左一半；三种丸都够弹牙，鱼蛋绝无腥味，唔错；最后试下招牌春卷，面头系炸过既，入面系鱼肉，好惹味，加埋紫菜，好好味！酸辣小窝 ($34)，拣左鱼腐同招牌春卷。汤底酸多过辣，啱我食；个底有唔少芽菜、酸菜等配料，够爽口；鱼腐够腍，有鱼味。相比起清汤，酸辣汤更滋味。两碗夹埋先$71，合乎经济原则，而且味道确系唔错，下次要再黎先得。